近期多間大行都積極向客戶推介水泥股，一來見樓市未有并無畀國五條一招KO，加上商品房的需求，以及3月傳統需求回升，水泥價同首季比較有唔錯升幅，而且，另外市場消息話，中國城鎮化工作會議短期會進入實質啟動程度，都有利水泥股，有機會繼內房后出現火燒冷灶炒落后的情況。龍頭股之一的安徽海螺(00914)22日會出季度業績，估計按年會跌15%，惟第2季基建需求帶動下，大行估計毛利率及銷售量都由首季低位反彈，可以睇高一線。至于另一龍頭中國建材(03323)，則較能受惠于西部較高的水泥價格，兩股技術走勢，以海螺個半月以來首次企穩50日線樓上收市，短線較可取，值得留意。
